Guèrra navala : Diferéncia entre lei versions
Contengut suprimit Contengut apondut
Linha 88 :
==== Lei naviris amfibís ====
Lei naviris amfibís permèton la projeccion de fòrças terrèstras per una fòrça navalas. N'existís de tipes variats segon sei capacitats. Lei pus importants pòdon transportar de fòrças importantas sus de teatres exteriors alunchats (compres d'unitats [[blindatge|blindadas]]) e dispausan de mejans de comandament e de sostèn pròpris ([[elicoptèr]]s, [[artilhariá]]...). Lei pus pichons son unicament destinats ais operacions de desbarcament. Aquelei naviris son utilizats per lei poissanças majoras ò per lei país aguent un territòri compausat per un nombre important d'[[illa]]s.
==== Lei naviris de guèrra dei minas ====
Lei naviris de guèrra dei minas tènon un ròtle important dins l'ataca ò la proteccion dei rotas maritimas. D'efiech, dins un conflicte important, l'usatge de [[mina marina|minas marinas]] es frequent per trebolar l'esfòrç de guèrra de l'adversari ò per assegurar un [[blocus]]. Aquelei naviris son donc encargats de la deteccion e, sovent, de la destruccion dei [[mina marina|minas]]. Son de còps integrats a l'escòrta d'un convòi ò d'un naviri important.
=== Sosmarins ===
==== Lei sosmarins d'ataca ====
{{veire|Sosmarin d'ataca}}
Lei [[sosmarin d'ataca|sosmarins d'ataca]] son de [[sosmarin]]s de talha mejana destinats au combat còntra d'autrei [[sosmarin]]s ò còntra de naviris de superficia. Per aquò, utilizan generalament de [[torpilha]]s, de [[mina marina|minas marinas]] e de [[missil antinaviri|missils antinaviri]]. Pòdon èsser de propulsion convencionala ò nucleara. Durant la [[Guèrra Freja]], lei sosmarins convencionaus èran sovent pus discrèts mai lei sosmarins nuclears avián sovent una autonòmia ben superiora. Uei, aquela diferéncia de furtivitat es mens importanta en causa dei progrès realizats sus la fabricacion dei turbinas nuclearas.
==== Lei sosmarins nuclears lançaire d'engenhs ====
{{veire|Sosmarin nuclear lançaire d'engelhs}}
Lei [[Sosmarin nuclear lançaire d'engelhs|sosmarins nuclears lançaire d'engenhs]] son de [[sosmarin]] de talha importanta. Amb lei [[pòrta-avions]], son l'autre [[naviri]] major dei flòtas de guèrra modèrnas. D'efiech, gràcias a sa [[furtivitat]], pòdon demorar esconduts dins l'[[ocean]] avans de tirar plusors [[missil]]s nuclears sus un país enemics en quauquei minutas. Son tanben equipats de [[torpilha]]s e de [[missil]]s que li permèton d'atacar ò de se protegir còntra d'autrei naviris. Per aquelei rasons, aquelei [[sosmarin]]s son la basa de la [[dissuasion nucleara]].
=== Naviris de sostèn ===
| |||