Australopithecus garhi : Diferéncia entre lei versions

'''Australopithecus garhi''' ei ua espècia fossil d'ominid qu'apertenh ath grop des australopitecids gracils. Era sua edat ei d'aperaquí uns 2,6 milion d'annades.

 

 

Eth fossil, aperat BOU-VP-12/130, siguec descurbert en 1997 per Johannes Haile-Selassie, un membre dera equipa scientifica amiada peth paleontològ etiopian Berhane Asfaw. Aguest darrèr publiguec era definicion e descripcion dera espècia ja en 1999 en collaboracion damb eth paleontològ american Tim White (1).

Eth prumèr descurbiment siguec hèt en eth vilatge de Bouri, ena val mieja der arriu Awash, ena depresion der Afar, en Etiopia.Eth nom dera espècia ''gahri'' vò díder ''estonada'' o ''suspresa''.

 

 

BOU-VP-12/130 ei ua amassada plan incompleta d'un uas cranian qu'includiva er us frontal, es uassi parietals e tanben era maishera e es dents. Australopithecus gahri a caracteristiques propies e tanben de d'autes australopitecids gracils coma [[australopithecus afarensis]] e [[Australopithecus africanus]] o es australopitecids robusti, sustot en eth nivèu dera maishera. Er estudi des premolars e des molars confirma que son mès grani que non es d'autes formes gracils mès mens robusti que non es paranthropi.

D'autes fossils an sigut descurberts prèp des troçi de cran de BOU-VP-12/130 coma despulhes post-craneanes, un troç d'un dusau cran e dues maisheres, ua des quals ei relativaments sancera. Es scientifics pensen qu'era morfologia dera maishera confirme qu'ei ua navèra espècia mès qu'es pòt pas esclúder que quauques despulhes sejan d'ua auta espècia.

 

 

Es scientifics que traparen Australopithecus garhi confirmèren qu'ei un representant deth linhatge uman (1). Coma diguec C. Grovers, que demorèc pauc de temps abans dera aparicion des prumèrs representants deth genre Homo, qu¡apareishen 200.000 o 300.000 annades dempús, e es dents des quals son plan desparières (2).

 

[[Fichièr:Map of the fossil sites of the early hominids (4.4-1M BP).svg|thumb|Es fossils d'Australopithecus garhi sigueren trapadi prèp deth vilatge de Bouri, ena val mieja der arriu Awash, en Etiopia, en 1999.]]

Es utís de pèira bracada bremben er Olduvaian e sigueren descurberts en lòcs vesins des fossils d'Australopithecus garhi mès que non i a pas ua associacion directa. Totun, es uassi de gazèla trapats damb aguest ominid an vestigis interpretats coma despulhes de bracatge damb utís de pèira (3). Aguestes despulhes serien ua prova directa d'una des mès ancianes utilizacions d'utís conegudes. Es utís en question serien plan mès ancians qu'aqueri atribuïts a [[Homo habilis]] mès ei impossible de confirmar qu'Australopithecus garhi ei eth sòn autor.

 

 

1.- a et b Asfaw B., White T.D., Lovejoy C.O., Latimer B., Simpson S., and Suwa G. (1999): « Australopithecus garhi: a new species of early hominid from Ethiopia », Science, 284, pp. 629-35. (version html [archive] ou version pdf [archive]).