Guèrra de las Doas Ròsas : Diferéncia entre versions

 
Après lei combats de [[1471]], lo poder d'[[Edoard IV d'Anglatèrra|Edoard IV]] foguèt plus contestat fins a sa mòrt en [[1483]]. Pasmens, foguèt remplaçat per [[Edoard V d'Anglatèrra|Edoard V]] qu'èra un enfant de 12 ans. Un còp de mai, una regéncia foguèt mesa en plaça. Dominada per lei Woodville, la familha de la rèina [[Elizabeth Woodville]], suscitèt dei tensions en causa de l'ambicion dei regents. Aquò entraïnèt la formacion d'una faccion desirosa de fisar lo poder au duc de Gloucester, [[Ricard III d'Anglatèrra|Ricard]], qu'èra fraire d'[[Edoard IV d'Anglatèrra|Edoard IV]]. Lei conjurats prenguèron lo contraròtle de la persona reiala lo 30 d'abriu de [[1483]]. Puei, una purga permetèt a [[Ricard III d'Anglatèrra|Ricard]] d'eliminar una partida dei Woodville e de sei partisans.
 
En posicion de fòrça, [[Ricard III d'Anglatèrra|Ricard]] convoquèt durant l'estiu de [[1483]] un Parlament per prononciar l'irregularitat dau maridatge d'[[Edoard IV d'Anglatèrra|Edoard IV]] e d'[[Elizabeth Woodville]]. Puei, assassinèt sei dos nebòts e venguèt rèi sota lo nom de [[Ricard III d'Anglatèrra|Ricard III]]. D'un biais generau, lo camp dei York acceptèt aquela usurpacion car [[Ricard III d'Anglatèrra|Ricard]] èra considerat coma un [[generau]] competent. Òr, aquò èra un argument important dins un periòde de [[guèrra civila]]. Pasmens, lo complòt permetèt ais adversaris de l'[[Ostau d'York]] d'organizar una revòuta novèla. D'efiech, lei Lancastre sostenguèron desenant lei revendicacions au tròne d'[[Enric VII d'Anglatèrra|Enric Tudor]], un nebòt d'[[Enric VI d'Anglatèrra|Enric VI]], aguent de liames genealogics amb plusors rèis anglés.
 
==== La rebellion de Buckingham ====
56 108

cambiaments