Guèrra de las Doas Ròsas : Diferéncia entre versions

Balisa : Liens d’homonymie
Lo còmte de Warwick s'alièt amb [[Jòrdi Plantagenet]], lo fraire d'[[Edoard IV d'Anglatèrra|Edoard IV]], e se revoutèt en julhet de [[1469]]. Venceires a la [[batalha d'Edgecote Moor]], lei rebèls poguèron assetjar lo rèi dins lo castèu de Middleham. [[Edoard IV d'Anglatèrra|Edoard IV]] foguèt obligat de convocar un Parlament dins la vila d'York per cedir lo poder a son fraire. Pasmens, l'autre fraire dau rèi – lo futur [[Ricard III d'Anglatèrra|Ricard III]] – e la màger part dei nobles refusèron d'acceptar l'usurpacion e la revòuta foguèt esquichada a la [[batalha de Losecoat Field]] lo 12 de març de [[1470]]. Sei caps s'enfugigèron en [[França]].
 
==== La restauracion d'Enric VI e la fin dei Lancastre ====
 
En [[França]], leis adversaris d'[[Edoard IV d'Anglatèrra|Edoard IV]] trobèron un acòrdi per aliar sei fòrças. Un maridatge entre lo prince [[Edoard de Westminster]] e la filha dau [[Richard Neville (16en còmte de Warwick)|còmte de Warwick]] marquèt la formacion d'aquela coalicion. Ajudat per quauquei nobles maucontents dau rèi, [[Richard Neville]] poguèt desbarcar dins la region de [[Londres]]. Incapable de trobar d'aliats, [[Edoard IV d'Anglatèrra|Edoard IV]] deguèt s'exiliar ai [[País Bas]]. [[Enric VI d'Anglatèrra|Enric VI]] foguèt restablit coma rèi d'[[Anglatèrra]].
 
Sostengut per [[Ducat de Borgonha|Borgonha]], [[Edoard IV d'Anglatèrra|Edoard IV]] trobèt rapidament lei ressorsas neccesàrias a una repòsta. Desbarquèt a son torn lo 14 d'abriu de [[1471]] e infligiguèt una desfacha ai tropas dau [[Richard Neville (16en còmte de Warwick)|còmte]] a la [[batalha de Barnet]] (14 d'abriu de [[1471]]). [[Richard Neville (16en còmte de Warwick)|Warwick]] foguèt tuat durant la retirada. Puei, lo 4 de mai seguent, l'armada dei Lancastre foguèt anientada a la [[batalha de Tewkesbury]] onte lo prince [[Edoard de Westminster]] moriguèt. Enfin, [[Enric VI d'Anglatèrra|Enric VI]] moriguèt a son torn – probablament assassinat – lo 21 de mai. Aquelei succès entraïnèron la disparicion de la linhada mascla dei Lancastre e permetèron ai York d'ocupar solidament lo tròne.
 
==== Lo retorn d'Edoard IV ====
56 154

cambiaments