TeX : Diferéncia entre lei versions

TeX es considerat generalament com lo melhor biais de compausar de documents que contenon de [[formulas matematicas]], mai es utilisat tanben per compausar de documents de naturas fòrça divèrsas, per exemple de tèsis d'istòria o d'edicions criticas. En particular, pòt servir a compausar d'expressions matematicas dins lei paginas de [[Oiquipedià]].

[[Donald Knuth]], de l'[[Universitat de Stanford]], comencèt de concebre TeX en [[1977]] perque èra insatisfach de la qualitat tipografica de son òbra ''The Art of Computer Programming''. Dins una reaccion tipica de "[[hacker]]" volent resòuvre lei problèmas d'espereu e per lo benefici de totei, comencèt de concebre son pròpri lengatge de descripcion tipografica. Se pensava que lo poiriá acabar pendent son annada sabatica, [[1978]] : s'enganava solament de uech ans. Lo lengatge foguèt mes au ponch e gelat (se faguèt plus ges de modificacions) aiçà vèrs 1985. Dins lo prefaci de son libre ''The TeXbook'', Knuth escriu : "TeX és un sistèma novèu d'escritura de documents concebut per la creacion de libres polits, e especialament per de libres que contenon fòrça matematicas". Lo succès dau sistema foguèt immediat, ben talament que Gordon Bell escriguèt en [[1979]] : "[TeX] és potencialament l'invencion mai significativa en tipografia d'aquest sègle [...] ; en tèrmes d'importància, se poiriá situar a costat de l'imprimeriá de Gutenberg".

Lo biais de numerotar lei versions de TeX es pron particular. A partir de la version 3, s'aponde una decimala suplementària dau nombre [[&pi]]; au numerò, qu'ansin tende vèrs π ; la version actuala es numerotada 3.14159. Aquò es un rebat dau fach que TeX es un logiciau fòrça estable e que se prevei ren que de mesas a jorn minimas. Knuth a indicat que "la darriera modificacion (facha après ma mòrt)" serà de cambiar lo numerò de version en π, e qu'an aqueu moment totei leis errors que sobraràn seràn consideradas caracteristicas.

[[Categoria: Informatica]]