LaLo '''cultura del vas campanifòrme''' foguèt una cultura [[preïstòria|preïstorica]] del començament de l'[[Edat del Bronze]] datada entre -2200 e -1900, que desvolopèt uns recipients o vases en forma de campana invertida que n'estendèt a [[Gran Bretanha]], a [[Irlanda]], a [[Païses Basses]], a [[Euròpa]] centrala e a la [[mar Mediterranèa]] occidentala. La basa arqueologica del complèxe campanifòrme se limita a mantun artefactes que lo mai important es lo recipient acampanat de ceramica amb fòrça e variada decoracion, subretot dins de contèxtes funeraris, encara que manca pas dins de contèxtes de l'abitat. I a tanben d'autras pèças de ceramica que fan partida d'autenticas [[vaissèlas]], que se constatan solament dins de grops locals determinats. Al cant del vas aparéisson tanben dins los cavòts d'autres objèctes fòrça dificils de dissociar, per lor frequéncia, del fenomèn campanifòrme: ponhals de lengueta, *alênes [fr] de doas puntas de [[coire]], jòias d'[[aur]] (diademas), braçals d'arquièr o botons d'[[òs]] amb de perforacion en "v". Seriá una panòplia funeraria particulara concebuda per tal d'èsser utilizada dins d'enterraments masculins.
