Kish : Diferéncia entre lei versions

'''Kish''' foguèt una ciutat estat de [[Mesopotamia]]. Inicialament independenta, cap a l'an 2700 aC lo rei Mebaragesi i exerciá una egemonia, mas foguèt derrotat per la ciutat estat d'[[Uruk]]. Son successor Aka sostendrà las luchas contra lo rei [[Gilgamesh]] d'Uruk. A la mòrt de Gilgamesh, Kish venguèt independenta e benlèu tornèt exercir l'egemonia amb Mesalim, mas dempuèi l'an 2600 aC aviá pas cap d'autras possessions. Cap l'an 2350 aC Lugalzagesi d'Umma derrotèt Kish que malgrat tot mantenguèt son independéncia. L'an 2340 aC un foncionari reial, Sharrukin, se rebellèt contra lo rei de Kish, Urzababa e venguèt propietari d'una partida del territòri de Kish, qu'i fondèt la ciutat d'[[Akkad]]. D'ans après, Sharrukin ocupèt Kish e se proclamèt rei amb lo nom de [[Sargon d'Akkad|Sargon]] (rei autentic). La ciutat de Kish fofuèt destrucha pendent los darrièrs combats, mas [[Sargon d'Akkad|Sargon]] ordenèt de la rebastir. En 2260 aC se revoltèt contra los successors de [[Sargon d'Akkad|Sargon]], mas foguèt sometuda. Recobrèt son independéncia cap a la fin del sègle mas passèt a Uruk e, puèi, a [[Ur (vila)|Ur]]. En 2025 aC venguèt independent e passèt a Isin en 2010 aC. Cap a 1900 aC tornèt èsser independent jol rei Ashduniarim e passèt a [[Babilònia]] en 1860 aC.