Toku
Membre des de 29 julhet de 2010
Contengut suprimit Contengut apondut
Linha 122 :
==== L'aparicion d'autreis imperialismes ====
A partir dau sègle XVII, l'expansionisme europèu dins l'[[Ocean Indian]] deguèt faciar aqueu d'[[Oman]] que menèt una tiera de guèrra còntra [[Portugal]] per establir de comptadors comerciaus lòng dau litorau orientau d'[[Africa]]. La logica sostenent aquelei conquistas èra relativament similara au [[mercantilisme]] europèu. Pasmens, lo poder omanés declinèt au sègle XIX e un conflicte dinastic s'acabèt amb la scission de son empèri maritim en 1861. Sei comptadors [[africa]]ns passèron sota lo contraròtle dau [[Sultanat de Zanzibar]] que foguèt plaçat sota protectorat britanic en 1890.
Durant la segonda mitat dau sègle XIX, l'[[industria]]lizacion deis [[USA|Estats Units]] e de [[Japon]] entraïnèron en revènge l'emergéncia de dos poders imperialistas modèrnes non europèus. Leis [[USA|Estats Units]] se concentrèron en [[America]] e dins l'[[Ocean Pacific]]. Prenguèron lo contraròtle d'[[Hawaii]] e, a l'eissida d'una guèrra còntra [[Espanha]], de [[Cuba]] e dei [[Filipinas]]. [[Japon]] assaièt de trobar lei ressorsas necessàrias au foncionament de son industria. Per aquò, menèt de guèrras còntra China e Russia per prendre lo contraròtle de [[Corèa]] e de [[Formòsa]]. Aprofichèt tanben la [[Premiera Guèrra Mondiala]] per obtenir la cession de quauquei possessions alemandas situadas dins lo [[Ocean Pacific|Pacific]].
=== La descolonizacion ===
| |||