Toku

Lo ''[[Drang nach Osten]]'' es un movement de colonizacion germanica vèrs l'èst. Durèt dau sègle XII au sègle XIX e prenguèt de formas fòrça variadas. Dins certanei cas, foguèt pacific e, de còps, encoratjat per lei senhors locaus qu'avián besonh dei colons germanics per poblar son territòri. Lo [[Ongria|Reiaume d'Ongria]] utilizèt fòrça aquela possibilitat per melhorar la defensa de sei [[marcha militara|marchas]] [[balcans|balcanicas]]. Lei [[Ostau Habsborg]] contunièron aquela politica e, pus tard, [[Russia]] l'adoptèt a son torn. Pasmens, dins d'autrei region, lo procès foguèt pus violent. En particular, au nòrd, foguèt creat l'[[Òrdre dei Chivaliers Teutonics]] que conquistèt pauc a pauc un territòri important dins lei [[Mar Baltica|regions balticas]]. Aquò entraïnèt de guèrras amb [[Polonha]], [[Lituània]] e d'autrei pòbles locaus, ostils a l'expansionisme teutonic o au [[cristianisme]].