Toku

La colonizacion es un fenomèn vièlh qu'es atestat durant l'[[Antiquitat]] dins mai d'una region. L'objectiu èra alora de poblar de regions « vuejas » per i crear de comptadors lòng dei rotas comercialas, de resòuvre de tensions socialas e d'ocupar de territòris recentament annexats. Lo cas pus conegut es aqueu dau [[Mar Mediterranèa|bacin mediterranèu]] que conoguèt de movements de colonizacion sucessius de part dei [[Fenicians]], dei [[Grècia antica|Grècs]], deis [[Etruscs]] e dei [[Republica Romana|Romans]]. Dins la màger part dei cas, leis installacions èran realizadas d'una maniera pacifica gràcias a de negociacions amb lei populacions indigènas, interessadas per lei possibilitats de cambis comerciaus ofèrtas per l'establiment de relacions establas amb leis arribants. Pasmens, lei relacions podián se deteriorar coma lo mòstra lo conflicte entre lei [[Focèa|Focèus]] de [[Marselha|Massilia]] e lei [[Salians]] en 123-122 avC. De mai, dins certanei cas rars, lo chaple deis abitants iniciaus foguèt la condicion permetent l'installacion dei colons. Se pòu citar l'exemple de la fondacion de la [[Cartage]] Romana après l'exterminacion de la populacion punica en 146 avC.