Toku
Membre des de 29 julhet de 2010
Contengut suprimit Contengut apondut
Linha 19 :
==== Ideologia e prestigi ====
Un movement colonialista necessita generalament la definicion d'un discors sostenent aqueu projècte. Sei dimensions son variablas mai permèton sistematicament de legitimar l'installacion dei colons. Entre lei pus frequentas, se pòdon citar l'abséncia de poblaments importants dins la region chausida, de motius economics (necesssitat de trobar de mercats novèus, besonhs de ressorsas novèlas...), de motius [[religion|religiós]] (conversion d'infidèus, tèrras promesas per una [[dieu|divinitat]]...), de motius [[racisme|racistas]] (superioritat raciala...) o motius umanistas (protegir un pòble menaçat, difusar lo progrès...). Generalament, plusors causas son avançadas per lei partisans dau movement coloniau.
De mai, la formacion de colonias es sovent un objècte de prestigi tant per leis [[Estat]]s colonizators que per lei personas en carga de la creacion dei colonias. D'efiech, la formacion d'un empèri important permet d'afiermar la poissança dau prince o dau [[govèrn]]. Per exemple, aquò foguèt un aspècte important dau colonialisme [[França|francés]] après la desfacha de 1870-1871 còntra [[Prússia]]. D'autra part, leis actors de la colonizacion aprofichan sovent lo contèxte per s'auçar au sen de la societat. Per exemple, lo ''[[conquistador]]'' [[Hernán Cortés]] (1485-1547), noble paure d'[[Estremadura]], foguèt nomat [[Marquesat de la vau d'Oaxaca|marqués d'Oaxaca]] e recebèt de richessas considerablas après la conquista de l'[[Civilizacion astèca|Empèri Astèc]].
=== Lei tipes de colonizacion ===
| |||