Fluvi Jaune : Diferéncia entre versions

746 octets aponduts ,  fa 4 mesos
De l'[[Edat Mejana]] a la premiera mitat dau sègle XX, lei documents [[Republica Populara de China|chinés]] permèton de seguir leis [[inondacion]]s e lei desplaçaments dau fluvi. De mai, plusors [[armada]]s chinesas contunièron de rompre volontàriament lei levadas en despiech d'una temptativa dau [[Tractat de Shanyuan]] ([[1004]]-[[1005]]) per enebir aquela [[tactica]]. Aquò empediguèt pas lei [[catastròfa naturala|catastròfas]]. En [[1034]], un molon de brancas e de curum bloquèt lo rajament de l'[[aiga]] e entraïnèt la formacion de tres corrents d'aiga diferents que ravatjèron lei regions de [[Dezhu]] e [[Bozhu]]. Lei [[Dinastia Song|Song]] mobilizèron {{formatnum:135000}} obriers e soudats per assaiar de restaurar lei levadas avans de renonciar en [[1041]]. Finalament, la situacion s'estabilizèt en [[1048]] après una [[inondacion]] novèla.
 
Passant dins lei regions pus septentrionalas dau [[Grand Plan de China dau Nòrd|Grand Plan]], aqueu percors foguèt modificat en [[1128]] quand leis armadas [[Dinastia Song|Song]] destruguèron lei levadas de la riba sud per blocar l'avança dei [[Dinastia Jin|Jin]]. Aquò causèt un desastre considerable marcat per lo premier desplaçament, enregistrat dins l'[[istòria]], dei bocas dau fluvi au sud de la [[Peninsula de Shandong]]. Aquò aguèt de consequéncias sus lo [[riu]] [[Huai He]] que veguèt son trajècte desplaçat vèrs lo sud per lei depaus sedimentaris en [[1194]]. Aquelei transformacions conoguèron d'evolucions suplementàrias amb una [[inondacion]] majora en [[1344]] que menèt a la mesa en plaça d'una traçat fòrça meridionau. La [[dinastia Yuan]] mobilizèt de ressorsas importantas per reparar lei levadas mai lei condicions de trabalh entraïnèron una revòuta que s'acabèt per la presa dau poder dei [[Dinastia Ming|Ming]]. Après una venguda deis aigas novèla en [[1391]], d'importants chantiers dirigits per l'eunuc [[Li Xing]] estabilizèron lo fluvi en [[1494]]. En despiech de plusors [[inondacion]]s grèvas durant lo sègle XVI<ref>Lei pus importantas aguèron luòc en [[1526]], [[1534]], [[1558]] e [[1587]].</ref>, lo traçat demorèt mai ò mens dins la region definida en [[1344]].
 
=== Lo Fluvi Jaune dempuei 1938 ===
54 826

cambiaments