Mammalia : Diferéncia entre lei versions

Divèrseis [[espècia (biologia)|espècias]] de mamifèrs an una estructura sociala complèxa. Lei cas pus extrèms son ''[[Fukomys damarensis]]'' e ''[[Heterocephalus glaber]]'' que forman de colonialas [[eusocialitat|eusocialas]], es a dire amb de castas especializadas dins un pretzfach donat (reproduccion, defensa...). Dins leis autrei cas, es puslèu observada la formacion de grops ierarquizats segon de relacions de dominança. Aqueu fenomèn es present tant dins leis erbivòrs ([[cavau]]s...) que dins lei [[carnivòr]]s ([[lion]]...). Aquelei grops passan rarament lo centenau d'individús mai i a d'excepcions. La pus important es l'[[Homo sapiens|òme modèrne]] que constituís sensa dificultat de societat de plusors milions de personas despartits sus de territòris de miliers de [[quilomètre carrat|quilomètres carrats]]. De mai, dins lei mamifèrs intelligents, pòdon aparéisser de [[cultura]]s que son un ensemble de trachs que caracterizan una sospopulacion donada. Aquò es fòrça present en lei grands [[primates]] e dins lei [[cetacèu]]s.