Mammalia : Diferéncia entre lei versions

Contengut suprimit Contengut apondut
Linha 75 :
 
La màger part dei mamifèrs son [[Omeotermia|omeotèrmes]] e [[Endotermia|endotèrmes]]. An ansin una [[temperatura]] intèrna constanta e independenta dei condicions exterioras (dins certanei limits) que tròba sa fònt de [[calor]] dins l'activitat dau [[metabolisme]] de l'[[organisme]]. Leis excepcions son fòrça raras (''[[Heterocephalus glaber]]'' e ''[[Myotragus balearicus]]''). Per aquò, lei mamifèrs consuman de quantitats importantas de [[norridura]] e de [[dioxigèn]], generalament pus importantas d'aquelei dei [[reptil]] de talha similara<ref>'''[[anglés|(en)]]''' N.A. Campbell e J.B. Reece, ''Biology (6 ed.)'', Benjamin Cummings, 2002, p. 845.</ref>. En particular, leis [[espècia (biologia)|espècias]] pus pichonas, que pèrdon pus rapidament sa [[calor]] intèrna, manjan de volums jornadiers que representan una partida significativa de sa [[massa]].
 
Leis espècias pus pichonas (mens de 500 g) son ansin sovent insectivòras car lei mecanismes digestius deis erbivòrs son tròp lents per li permetre d'aver l'energia requista per son foncionament intèrne. En revènge, lei mamifèrs pus gròs pòdon tolerar una [[digestion]] pus lenta basada sus la destruccion de fibras vegetalas duras ò sus la consumacion periodica d'un vertebrat superior.
 
Lei mamifèrs an generalament una [[pelissa]], de resèrvas de [[lipid]]s e de sistèmas de [[transpiracion]] que permèton de melhorar l'eficacitat de sa regulacion termica. Lei peus forman un jaç d'aire impermeable qu'isola l'[[organisme]] dau mitan exterior. Lei jaç [[lipid]]ics son premier destinats au foncionament de l'activitat dei [[cellula (biologia)|cellulas]] car son d'estocatges d'[[energia]]. Dins aquò, protegisson mai d'una [[espècia (biologia)|espècias]] còntra lo freg. Enfin, la [[transpiracion]] es un mecanisme d'evacuacion de la [[calor]] gràcias a l'emission d'[[aiga]] a la superficia de la [[pèu]]. Un interès segondari d'aquela foncion residís dins sa capacitat d'eliminar de [[compausat quimic|substàncias]] toxicas.