Corsa ais armaments

Una corsa ais armaments es una situacion caracterizada per una rivalitat intensa entre plusors agents, generalament d'Estats, per aquistar e metre en plaça d'armaments ò de fòrças armadas poderosas. Es una situacion diplomatica perilhosa car la creacion d'arsenaus ben dotats e lo desvolopament dei fòrças militaras aumentan fòrça lo risc de conflicte armat.

Istoricament, l'expression es estacada a la politica militarista dei país europèus entre 1905 e 1914 e a la rivalitat militara entre leis Estats Units e l'Union Sovietica durant la Guèrra Freja. Es de còps utilizada per descriure l'esfòrç militar menat per China e sei vesins dempuei lo començament dau sègle XXI.