Partit politic : Diferéncia entre lei versions

Contengut suprimit Contengut apondut
Linha 7 :
Lei partits politics son d'organizacions relativament recentas eissidas dei faccions qu'existián dins certanei sistèmas politics ([[democracia]] [[Atenas|atenenca]], [[Republica Romana]], republicas marchandas italianas...). De còps ben estructuradas, aquelei grops èran pasmens dependents de la fortuna de son fondator e subrevivián rarament a sa disparicion. La mesa en plaça d'una vida democratica establa e la generalizacion dau [[sufragi]] foguèron donc de condicions necessàrias a l'aparicion dei premiers partits politics. Se fau egalament mencionar la formacion en [[Anglatèrra]] durant lo sègle XVIII de grops de parlamentaris units per d'idèas comunas.
 
Lei partits politics pus ancians son probablament apareguts ais [[USA|Estats Units]] dins lo corrent deis [[ans 1830]] durant la presidéncia d'[[Andrew Jackson]] ([[1829]]-[[1837]]). D'efiech, prenguèt de mesuras per alargar la basa electorala e imaginèt lo [[Sistèma dei despolhas|sistèma dei « despolhas »]] que permetiá au president elegit de remplaçar totei lei [[foncionari]]s superiors per de fidèus. Aquò entraïnèt la constitucion de grops estructurats que se mantenguèron en plaça per conquistar e tenir lo poder. Aqueu modèl se difusèt lentament dins d'autrei país desvolopats coma lo [[Reialme Unit|Reiaume Unit]] (benlèu vèrs la fin deis [[ans 1860]]) e [[França]] (vèrs lo començament deis [[ans 1880]]).
 
Rapidament, lei partits mostrèron son eficacitat per ganhar d'eleccions. Ansin, lo modèl s'estendiguèt e capitèt de s'adaptar ai condicions politicas de país autoritaris onte leis eleccions èran raras ò inexistentas. En particular, foguèt lo cas dei movements revolucionaris ò reformators que se desvolopèron en [[Russia]]. Fòrça estructurats, venguèron una referéncia per lei partits que se formèron durant la lucha anticoloniala e que dominan uei la vida politica dins la màger part dei país.