Empèri d'Akkad : Diferéncia entre lei versions

 

Segon lei conoissenças actualas, l'Empèri d'Akkad es l'empèri pus ancian de l'istòria de l'umanitat. D'efiech, maugrat de revòutas quasi permanentas, capitèt d'unificar per lo premier còp plusors desenaus de [[ciutat-estat|ciutats-estats]] au sen d'un ensemble [[estat]]au unic durant au mens 150 ans. Aquò entraïnèt una modificacion dau ròtle dau sobeiran, ben visibla a partir dau rèine de [[Naram-Sin]]<ref>D'efiech, avans lei [[Sargonidas]], divèrsei rèis avián aquistat un poder important e un territòri englobant plusors ciutats. Per exemple, foguèt lo cas de [[Lugal-zagesi]] que dominava la mitat meridionala de [[Mesopotamia]] avans sa desfacha còntra [[Sargon l'Ancian|Sargon]]. Pasmens, aqueleis estats durèron gaire e sei caps poguèron pas metre en plaça un sistèma novèu permetent d'assegurar son unitat politica.</ref> :

* lo sobeiran es representat coma un [[dieu]]. Se lei tèxtes mencionan pas un estatut vertadier de dieu, aquò mòstra la volontat d'establir lo sobeiran a un nivèu superior au rèsta deis òmes.

De mai, apareguèt per lo premier còp una administracion centralizada e un art « reiau ». L'escritura administrativa foguèt uniformizada sus lo modèl [[akkadian]], probablament gràcias a la creacion d'un còrs de [[foncionari]]s omogèn.