Crosaire : Diferéncia entre lei versions

 

=== Lei croisaires leugiers e pesucs ===

 

Lei limits mostrats per lei croisaires cuirassats durant la [[Premiera Guèrra Mondiala]] entraïnèron una transformacion dei crosaires durant l'entre doas guèrras. Aquò menèt a l'aparicion de dos tipes de crosaires dichs « crosaires leugiers » e « crosaires pesucs ». Pasmens, lo destriament èra pauc clar e lei dos tipes de crosaire èran encargats de missions similaras. La diferéncia principalament èra lo calibre de l'artilhariá principala (130 a 155 mm per lei crosaires leugiers e 150 a 200 mm per lei crosaires pesucs<ref>La [[classa Alaska|classa estatsunidenca Alaska]] èra dotada de canons de 305 mm. Pasmens, aquelei crosaires pesucs èran fòrça similars a de [[cuirassat]]s.</ref>). Per lo rèsta, lei crosaires dau periòde avián una cadéncia de tirs rapida, un blindatge mejan e una velocitat auta. Durant la [[Segonda Guèrra Mondiala]], aguèron un ròtle polivalent liat a la [[lucha antiaeriana]], a la [[lucha antisosmarina]] e au [[combat navau]]. Per aquò, mai d'un crosaire recebèt de mejans de deteccion coma de [[radar]]s o de [[sonar]]s.