Ans 1910 : Diferéncia entre lei versions

'''1914''' : sus lo frònt de l'Oèst, leis Alemands capitèron de blocar leis atacas francesas còntra [[Alsàcia]] e [[Lorena]]. De son caire, passèron per [[Belgica]] per assaiar d'enceuclar l'armada francesa e de menaçar [[París]]. Pasmens, la manòbra se turtèt a la resisténcia bèlga e a problemas de comunicacion. Lei Francés poguèron ansin organizar una importanta còntra-ataca ([[batalha de Marna (1914)|batalha de Marna]]) e rebutar l'invasion de son territòri. Puei, lei dos camps assaièron sensa succès de desbordar per l'[[oèst]] entraïnant l'extension dei combats fins a la [[Mar dau Nòrd]]. Fin finala, amb l'arribada de l'[[ivèrn]], lei doas armadas, escagassadas, cavèron un ret de trencadas per tenir sei posicions. Dins lei dos camps, lei pèrdas agantèron de nivèus sensa precedents ({{formatnum:227000}} Francés tuats, bleçats ò dispareguts durant lei sièis de la [[batalha de Marna (1914)|batalha de Marna]] còntra {{formatnum:256000}} Alemands).

<br/>

'''1914''' : sus lo frònt orientau, lei Rus enregistrèron un succès fòrça importanta a la [[batalha de Lemberg]] onte leis Austrians perdiguèron {{formatnum:430000}} òmes (còntra {{formatnum:255000}} Rus). En revènge, après quauqueis avançadas inicialas, foguèron durament batuts per leis [[Alemanha|Alemands]] a la [[batalha de Tannenberg (1914)|batalha de Tanneberg]] ({{formatnum:170000}} òmes perduts). Après aquela desfacha, deguèron se retirar sus la partida nòrd dau frònt.

 

== Cultura ==