Marcat per de progrès tecnics importants, aqueu periòde foguèt egalament caracterizat per l'escafament progressiu dei marins. D'efiech, otís tecnologic avançats, lei naviris formèron pauc a pauc l'unitat tactica de basa dau combat navau car lo combat dirècte entre marins venguèt pus rar per disparéisser au profiech dau duèl d'[[artilhariá]].
Aquela organizacion teorica evolucionèt mai que d'un còp durant lo sègle XX durant lo sègle XX amb l'aparicion dau [[sosmarin]] e l'aumentacion regulara de la distància de combat que passèt de quauquei desenaus de quilomètres per lei cuirassats de la [[Premiera Guèrra Mondiala]] a plusors centenaus o miliers de quilomètres après l'invencion dau [[pòrta-avions]] e dau [[missil]]. Lei flòtas modèrnas apareguèron ansin durant la [[Guèrra Freja]] amb l'establiment de la superioritat dau [[pòrta-avions]], dau [[missil antinaviri]] e dau [[sosmarin nuclear lançaire d'engenhs]]. Fòrça costosas, son l'apanatge dei Grandei Poissanças ([[USA|Estats Units]], [[Russia]], [[Republica Populara de China|China]], [[França]], [[Reialme Unit|Reiaume Unit]]...).
