Forum Roman (Roma)

Lo Forum Roman o Forum de Roma (Foro Romano en italian, Forum Romanum en latin), que li disián tanben Forum Magnum ("Grand Forum") o Forum Vetus ("Forum vièlh"), es situat dins lo site arqueologic plus important de Roma, entre las còlas del Capitòli e del Palatin.

Lo forum es la plaça principala de la Roma antica. Son importància istorica, religiosa e politica ne faguèt l'endreit a l'entorn del qual tota la vida de la vila s'articulava : celebracion de maridatges, organizacion de jòcs, de combats de gladiadors, de ceremonias e de fèstas religiosas, de passacarrièras militars (sus la Via Sacra), de proclamacions politicas (per exemple durant la cremacion de Juli Cesar, dins aqueste luòc)..., es lo centre vivent de la vila, a l'imatge de l'agora, luòc de rassemblament politic e mercantil de las ciutats gregas.