Sègle de las Luses : Diferéncia entre lei versions

Contengut suprimit Contengut apondut
Linha 106 :
[[Jean-Jacques Rousseau]] ([[1712]]-[[1778]]) es un important [[filosofia|filosòf]] [[Soïssa|soís]] autor de plusors libres famós ss l'exploracion dei sentiments intims coma ''[[Julie ou la Nouvelle Héloïse]]'' ([[1761]]), ''Les Confessions (Rousseau)|Les Confessions]]'' ([[1782]]) e lei ''[[Les Rêveries du promeneur solitaire]]'' ([[1782]]). Pasmens, son òbra pus importanta regardèt lo domeni [[filosofia|filosofic]] amb l'estudi dei condicions de formacion de la societat. Es ansin a l'origina dau postulat de l'òme sauvatge « naturalament bòn » e corromput per la societat e per leis inegalitats. Per tornar trobar aquela bontat, depintèt la necessitat per l'èsser uman de conclure un contracte sociau permetent de dirigir la societat segon de [[lei|lèis]] eissidas de la volontat generala exprimida per lo pòble.
 
[[Jean-Jacques Rousseau|Rousseau]] desvolopèt fòrça l'idèa de volontat generala dau pòble qu'es la basa dei [[democracia]]s modèrnas. En particular, establiguèt sa natura non universala e pròpria a un estat donat e a un còrs politic donat. Aquò li permetèt de descubrir lo concèpte de [[sobeiranetat]] dau pòble. Dins aquò, èra pas en favor d'una democracia totala e preconizèt puslèu l'adopcion d'un regime aristocratic electiu. Son trabalh influencièt fòrça leis actors de la [[Revolucion Francesa]] e lei filosòfs dau sègle XIX.
 
==== Denis Diderot ====