[[Fichièr:Jacques-Louis David - The Emperor Napoleon in His Study at the Tuileries - Google Art Project 2.jpg|thumb|right|[[Pintura]] de Napoleon I{{èr}} en [[1812]].]]
'''Napoleon I{{èr}}''' (15 d'oastaost de [[1769]], [[Aiacciu]] - 5 de mai de [[1821]], [[Sant Elena|illa de Santa Elena]]) es un cap militar e un òme politic que dirigiguèt [[França]] dau 10 de novembre de [[1799]] au 6 d'abriu de [[1814]] e dau 20 de març de [[1815]] au 22 de junh de la meteissa [[annada]]. Durant aqueu periòde, portèt lo títol de Premier Cònsol de [[1799]] a [[1804]] e d'emperaire de [[1804]] a [[1815]]. Marcant la fin de la [[Revolucion Francesa]], son periòde foguèt marcat per una tiera de guèrras opausant [[França]] a de coalicions d'[[estat]]s [[Euròpa|europèus]] ([[Reialme Unit|Reiaume Unit]], [[Àustria]], [[Prússia]], [[Russia]]...). Veguèron lei Francés conquistar la màger part de l'[[Euròpa Occidentala]] mai s'acabèron per una desfacha que laissèt finalament lo país dins de frontieras pròchas d'aquelei de [[1789]]. Dins aquò, Napoleon laissèt un eiretatge considerable en matèria d'organizacion dau país e una òbra legislativa fòrça importanta qu'inspirèt l'organizacion dei [[lei|lèis]] dins mai d'un país. Enfin, au nivèu internacionau, favorizèt l'aparicion dei movements d'unificacion nacionala en [[Euròpa]], especialament en [[Alemanha]] e en [[Itàlia]].
