'''Tayasal''' ò '''Nojpetén''' èra una [[ciutat-estat]] [[Civilizacion maia|maia]] situada sus l'illa dau lac [[Petén Itzá]] en [[Guatemala]]. Tre sa fondacion vèrs [[1221]], venguèt la capitala dau pòble Itzáitzá. Lo ''[[conquistador]]'' [[Espanha|espanhòu]] [[Hernán Cortés]] i venguèt en [[1525]] e i establiguèt de relacions bònas ambé leis autoritats de la vila. Pasmens, après aqueu passatge, Tayasal foguèt negligida per leis Espanhòus fins au sègle XVII. Isolada dins la [[selva pluviala|seuva tropicala]] e ben protegida per sa posicion insulara, la ciutat opausèt alora una resisténcia importanta ais atacas espanhòlas (au mens sièis expedicions foguèron rebutadas entre [[1622]] e [[1695]]) fins a sa conquista e sa destruccion en [[1697]]. Ambé la vila vesina de [[Zacpeten]], es considerada coma lo darrier estat maia independent.
