Vin : Diferéncia entre lei versions
Contengut suprimit Contengut apondut
Linha 22 :
Durant lo periòde caotic que seguiguèt l'afondrament de l'[[Empèri Roman d'Occident]] en [[476]], la viticultura declinèt e subrevisquèt principalament a l'entorn dei domenis de la [[Glèisa Catolica|Glèisa]]. D'efiech, lo [[clergat]] aviá besonh de vin per la [[liturgia]]. Pasmens, per lei [[monastèri]]s, la viticultura aviá d'interès suplementaris coma la possibilitat d'assegurar de revenguts regulars e la lucha còntra l'òci dei monges qu'èra estrictament enebit. Gràcias a d'organizacions que prefiguran leis entrepresas modèrnas, melhorèron pauc a pauc lei metòdes de produccion e la [[qualitat]]. En particular, lei [[Òrdre cistercenc|Cistercencs]] de [[Borgonha]] estudièron l'influéncia dau sòu, dau vitatge, de l'ensorelhament, de la talha dei parcèlas e de la maduretat dau [[rasin]].
Dins leis autrei regions, la viticultura tornèt aparéisser largament après l'estabilizacion de la situacion politica. Lo beure èra alora una fònt de prestigi per lei senhors. Per lei païsans e leis abitants dei [[vila]]s, èra sovent mesclat amb d'[[aiga]]. Lei proprietats antisepticas de l'[[alcòl]] permetián d'assegurar la potabilitat de l'[[aiga]]. Lo vin èra donc sovent una necessitat de la vida vidanta e son comèrci se desvolopèt, principalament a partir dei [[pòrt]]s de [[Bordèu]] e de [[Flandra]]. L'importància d'aqueu comèrci èra considerabla.
Durant la màger part de l'epòca medievala, lei [[vin blanc|vins blancs]] ò [[Vin rosat|rosats]] foguèron privilegiats. Lo desvolopament dau [[vin roge]] comencèt a partir dau sègle XIV. La cort [[papa|pontificala]] d'[[Avinhon]] aguèt un ròtle major dins aquela evolucion. En parallèl, lei vins venguèron pus leugiers e clars amb l'abandon progressiu dei produchs pus capitós.
=== De l'Edat Mejana a la crisi dau filoxerà ===
| |||