|
Kavad, un dels filhs del rei mòrt, demandèt l'ajuda dels eftalitas per s'apoderar del tròn. Quand foguèt rei deguèt lor donar la region de Chaganiyan situada a l'oèst d'[[Hindu Kush]] e al nòrd d'[[Amodarià|Oxus]]. Deviá, de mai, pagar un tribut, qu'existiá encara jos [[Cosrau Ier|Cosrau Ièr]]<ref name="P142-3"></ref>.
=== Espandiment eal guèrras en ÍndiaNòrd ===
En [[sègle V|474]], los eftalitas prenguèron [[Balkh]] als sassanidas. En [[sègle VI|509]] conquistèron [[Sogdiana]] e avencèron a l'èst dusqua lo [[bacin de Tarim]] que tenguèron dusqua l'arribada dels [[turks]] en 560<ref name="P8"></ref>. Avián tamben pres [[Gandhara]] als kidaritas<ref name="L144">Litvinsky 1996, p. 144.</ref>.
L'espandiment de lor territòri vèrs l'èst lo menèron a dintrar en conflicte amb l'[[Empèri Gupta|Empèri gupta]]. Vèrs 457, [[Skandagupta]] los batèt.
Mas foguèt lo darrièr grand emperaire gupta, e un de sos successors, [[Budhagupta]] deguèt tornar afrontar una ataca eftalita a la fin del [[sègle V apC|sègle V]] que foguèt victoriosa<ref name="L145">Litvinsky 1996, p. 145.</ref>.
=== Reialme eftalita d'Índia ===
Segon Litvinsky, los eftalitas d'Índia èran politicament autonòms d'aquels qu'èran demorats en Asia Centrala. Vèrs la fin del sègle V o lo començament del sègle VI, lo rei [[Toramana]] lançèt dempuèi [[Panjab]] una ofensiva que li faguèt s'apoderar d'una granda part del Nòrd d'Índia. La [[numismatica]] establís que son poder s'espandiá sus Panjab, [[Uttar Pradesh]], [[Rajasthan]], [[Cashmir]], dusqua la vila d'[[Eran]] en [[Madhya Pradesh]]<ref name="L145"></ref>.
Son filh [[Mihirakula]] li succediguèt.
== Referéncias ==
| 