Granissa : Diferéncia entre lei versions

La '''granissa''', o la '''grella''', o la '''pèira''' es un tipe de [[precipitacion]] qu'es constituida de [[particula]]s irregularas de [[glaç]]. La granissa se produsís subretot l'estiu dins de tempèstas intensas ont se forman de gotas d'[[aiga]] subrerefrejadas, que son encara liquidas, mas a temperaturas per dejós de lor punt normal de congelacion (0°C). L'[[aiga]] sobrerefrejada demora dins aqueste estat pr'amor qu'a besonh d'una semença solida iniciala per tal de començar lo processus de cristallizacion. Quand aquelas gotas d'[[aiga]] tustaràn dins las nívols amb d'autras particulas geladas o granas de polvàs, alavetz se podràn cristallizar sens dificultat en se congelant rapidament. Dins las tempèstas las mai intensas se pòt produsir una precipitacion gelada amb formacion de granissa especialament gròssa, quand aquela se fòrma al centre de fòrts corrents ascendents. Dins aqueste cas la pèira pòt demorar dins l'[[atmosfèra]] en dispausant d'una granda capacitat de creissament. Quand la butada cap en naut s'acaba o que la granissa ven de talha granda, alavetz l'aire ne'n pòt pas sosténer lo pes , e la granissa tomba. Las pèiras son generalament pichonas, de diametre millimetric. Çaquelà, de vegadas se forman de pèiras mai bèlas, de mantun centimètres de diametre ja que dins la circulacion ciclonica de la tempèsta las pèiras pichonas puèjan e davalan mantun còps en amolonant desparièrs jaces de gèl. Per aquò, la granissa pòt causar de damatges sus las automobilas e las estructuras de veire o encara aucir de personas. Per causa de lor procèssus de formacion, las pèiras an una estructura amb mantun jaces coma una [[ceba]]. La pèira la mai pesuga enregistrada tombèt a Coffeyville, [[Kansas]] ([[Estats Units]]), lo 3 de setembre de 1970, e pesava 770 g, e aviá un rai de 14,5 cm, e la pèira la mai granda que s'es enregistrada tombèt a Aurora, [[Nebraska]] lo 22 de junh de 2003 e aviá un rai de 17,8 cm, encara que son pes èra inferior a l'autra.▼