En general, l'economia del Nòu Mexic es tant divèrsa coma las siás fonts culturalas. Inclutz lo [[torisme]], amb las siás galariás d'arts, estacions d'esqui e arquitectura coloniala. Compta tanben amb divèrsas industrias. Existís un important escambi comercial amb [[Mexic]] e una intensa e creissenta proliferacion de tecnologia a causa de la preséncia de laboratòris nacionals a [[Albuquerque (Nòu Mexic)|Albuquerque]] e [[Los Alamos]] (Laboratòri Nacional de Los Álamos). Cal en mai soslinhar que lo Nòu Mexic es tanben un dels estats del país que produsís lo mai d'energia. En mai de l'[[agricultura]] [[irrigacion|irrigada]] dins la val del riu Grande, l'economia s'apieja tanben sus l'elevatge extensiu, l'extraccion minerala: [[urani]] (primièr sèti d'extraccion entre totes los estats), [[aur]], [[argent]], [[coire]], potassa, [[petròli]]. Las industrias alimentàrias e las contruccions aeroespacialas son tanben de granda importància. [[Santa Fe (Nòu Mexic)|Santa Fe]] atrai de nombroses visitaires cada an gràcias a la siá arquitectura coloniala.
