Sègle II abC : Diferéncia entre lei versions

'''201-198''' : aprofichant l'afebliment [[Republica Populara de China|chinés]] consecutiu a la [[guèrra civila]] de [[-210|210]]-[[-206|206 avC]], lei [[Xiongnu]] – de [[Empèris nomadas|nomadas]] de l'[[estèpa]] [[eurasia]]tica – comencèron de menar d'incursions sus lo territòri de l'Empèri. Après la revirada d'una expedicion punitiva, [[Han Gaozu]] decidèt de negociar amb [[Modu Chanyu]]. En cambi d'un [[tribut]] e d'un maridatge amb una princessa imperiala, una [[patz]] fragila foguèt establida.

<br/>

'''200-197''' : aprofichant una revòuta quasi generala de [[Grècia]] còntra [[Macedònia (reialme)|Macedònia]], lei Romans intervenguèron dins la region per redurre la poissança macedoniana. Après un conflicte indecís, bateguèron durament son adversari a [[Batalha de Cinoscèfales|Cinoscèfales]]. Impausèron de pèrdas territòrialas duras ai Macedonians que deguèron abandonar sei posicions en [[Grècia]] e en [[Tessàlia]]. « Liberadas » de l'influéncia macedoniana, lei ciutats grègas passèron dins aquela de [[Roma]].

<br/>