Wikipèdia:La tavèrna : Diferéncia entre lei versions

--------------------------------

D'aquesta passa, meis obligacions professionalas me permeton gaire de participar a la Wikipèdia, e de mai m'agrada ges la polemica. Voudriáu aicí anar dins lo sens deis intervencions precedentas en planhent l'anonci per Gavach de la demission de son pòste d'administrator e en li demandant de tornar sus sa decision, estent tot çò qu'a portat a la Wikipèdia (seis articles de segur, e pensi tanben a son ròtle coma administrator, en particular quand se discutiguèt la Carta lingüistica). Per la rèsta, '''pòdi signar dei doas mans lo messatge de Raidako'''. Lei contributors de la Wikipèdia son pas tant nombrós qu'aquò e se i degalha fòrça energia, especialament a respòndre en de polemicas recurrentas sus la Carta lingüistica, polemicas qu'alimentan lo clima actuau, e contribuisson a l'enveja de quauqueis uns de s'enanar. Un d'aquelei polemistas es Capsot, que nos aviá anonciat sa partença après l'adopcion de la Carta, qu'es encara aquí (de segur es son drech), mai que vèn essencialament (de lònga entre prepaus excessius e excusas), per guerrejar còntra la Carta, e en particular còntra una nòrma scientifica (l'[[SI]]). Es tot lo contrari de l'actitud d'aquelei "qu'assajan de bastir". A prepaus de l'SI, contunha son '''combat solitari''' : aquesta partida de la Carta a jamai pausat problèma en ges d'autre contributor. La màger part dei Wikipedians l'aplican naturalament, e quand fau faire de rectificacions menoras, se passa sensa guèrra d'edicion. Enfin, quand Capsot (cf. lo messatge a Gavach) me fa lo ''deus ex machina'' de l'aplicacion de l'SI a la Wikipèdia italiana (de miliers d'articles...), desparla completament e es pas lo subjècte. E li voudriá dire que leis atacas o arguments ''ad hominem'' que n'es costumier (e que li son estats reprochats sus la Viquipèdia catalana) son inadmissibles. [[Utilizaire:Vivarés|Vivarés]] 21 d'oct de 2007 a 18:34 (UTC)

{{Discutir}}