Vin : Diferéncia entre lei versions

Lei [[vin doç|vins doç naturaus]] son de [[vin mutat|vins mutats]] obtenguts per [[mutatge (vin)|mutatge]] durant la [[fermentacion alcoolica]]. Es a dire que lo [[most (vin)|most]] es estat addicionat d'[[etanòl]] per arrestar sa [[fermentacion alcoolica|fermentacion]] afin de conservar sei [[sucre]]s residuaus e son gost fruchat tot en aumentant lo gras d'alcòl. L'alcòl d'un vin doç naturau provèn donc de la sieuna fermentacion e de l'ajust realizat pendent lo mutatge. Frequents en [[Itàlia]], en [[Espanha]] e en [[Portugal|Portugau]], aquelei vins son fòrça contraròtlats e pòdon presentar de variacions importantas au sen d'una meteissa apellacion. Per exemple, lei [[Xerès (vin)|Xerès]] pòdon èsser eissuchs ò mieg eissuchs e aver un taus d'alcòl situat entre 15% e 18%.