Sosmarin : Diferéncia entre versions

1 104 octets aponduts ,  fa 2 mesos
{{veire|Batalha de l'Atlantic (1939-1945)}}
 
Gràcias ai progrès realizats en matèria d'autonòmia, la [[Segonda Guèrra Mondiala]] foguèt lo teatre d'una utilizacion massisa dau sosmarin per totei lei camps. Aquò entraïnèt l'aparicion rapida de [[tactica]]s e de sistèmas novèus destinats a s'adaptar ais evolucions de la guèrra sosmarina. D'efiech, per luchar còntra lei convòis protegits per de naviris d'escòrta, leis Alemands imaginèron lo principi de la chinareda que consistiá a dispersar de grops de sosmarins lòng deis aisses maritims per detectar lei [[naviri]]s aliats. Puei, totei lei sosmarins atacavan, çò que limitava lei capacitats deis escortaires. Per faciar aquela menaça, leis Aliats formèron d'esquadras[[esquadra]]s d'escòrta de composicion establa. Aquò permetiá ais equipatges d'una meteissa unitat de desvolopar d'abituds. Leis [[USA|Estatsunidencs]] creèron tanben de grops de caça, generalament format a l'entorn d'un [[pòrta-avions d'escòrta]], per atacar dirèctament lei sosmarins detectats e dispersar lei chinaredas.
 
Lei progrès tecnics foguèron encara mai importants. Dins lo domeni de la deteccion, lo sistèma [[ASDIC]], un precursor dau [[sonar]], se generalizèt autorizant una deteccion d'un submersible advèrs entre 100 e {{formatnum:3500}} [[Mètre|m]]. A partir de [[1943]], foguèron completats per de radars centimetrics que podián trobar un sosmarin navegant en superficia a plusors [[quilomètre]]s de distància. Apareguèron egalament de detectors sonòrs permetent de cercar lo bruch deis [[eliç]]. Principalament utilizats per lei sosmarins, foguèron de còps utilizats per leis escortaires. Pasmens, totei lei camps desvolopèron rapidament de loires per lei trebolar. Enfin, venguèt possible d'interceptar lei sinhaus [[Ràdio|radios]] emés per lei convòis ò per lei sosmarins afin de [[Triangulacion|triangular]] la posicion de l'enemic.
 
La concepcion generala dei sosmarins realizèt pereu d'avançadas permetent d'aumentar la durada de sotada, de melhorar lei capacitats de deteccion e d'accelerar la fabricacion. Lo modèl pus sofisticat foguèt lo [[Unterseeboot tipe XXI|U-Boot tipe XXI]] qu'intrèt en servici en [[1945]]. Gràcias a un [[schnorkel]] e de motors [[electricitat|electrics]] fòrça melhorats, podiá demorar plusors [[jorn]]s en sotada. Èra equipat d'un sonar passiu e d'un detector de radar e sa [[velocitat]] (15,6 nos a la superficia e 17,5 nos en sotada) li donava un avantatge important per atacar ò s'escapar.
 
<gallery>
Fichièr:ASDIC.png|Elements[[Fotografia]] d'elements d'un [[ASDIC]]
Fichièr:Shamsher Pakistan SLV Green 1951 detail.png|[[Fotografia]] d'una [[Fregata (naviri)|fregata]] deis ans 1950 equipada d'un sistèma d'intercepcion [[ràdio]] ''[[Huff-Duff]]'' desvolopat durant la [[Segonda Guèrra Mondiala]]
Fichièr:U3008.jpg|[[Fotografia]] d'un [[Unterseeboot tipe XXI|U-Boot tipe XXI]] integrat dins la flòta [[USA|estatsunidenca]] après sa captura
</gallery>
 
38 604

cambiaments