Bòsc d'Ituri

Lo Bòsc d'Ituri (o tanben d'Aruwimi) se trapa en Ituri, al nòrd-èst de la Republica Democratica de Congo. A una superficía d'aperaquí 63 000 km², e se situa tre 0° et 3°N e 27° et 30° E. La nautor de la forest se situa demest los 700 m e los 1 000 m. La temparatura mejana es de 31 °C (88 °F) e l'umitat mejana es del 85 % (Wilkie 1987). Prèp d'un 20 % d'aquela seuva equatoriala es constituïda per una reserva de fauna amb d'okapis, e es classada dins la lista del patrimòni mondial de l'UNESCO. Al boscatge i demòran atanben de pigmèus Mbuti, un dels pòbes de caçaires-culheires que vivon dins lo bòsc del bacin del Congo e qu'an coma trach tipic sa baissa talha (la mejana es d'un mètre cinquanta). Foguèron estudiats per Colin Turnbull, a The Forest People, en 1962.

Lo Bòsc d'Ituri foguèt crosat per primièr còp per un europèu en 1887, que ne foguèt Henry Morton Stanley, durant la sieuna expedicion de socors a Emin Pasha.