Nívol : Diferéncia entre lei versions

 

== Ròtle dei nívols dins lo foncionament atmosferic ==

 

En despiech de formas, de [[color]]s e de caracteristas variadas e cambiantas, lei nívols jògan un ròtle actiu dins lo [[cicle de l'aiga]] e dins lei mecanismes de regularacion termica de l'[[atmosfèra]]. D'efiech, coma son principalament formats de vapor d'[[aiga]], permèton l'umidificacion de la [[troposfèra]] e la redistribucion de l'[[aiga]] vèrs la superficia gràcias ai [[precipitacion (meteorologia)|precipitacions]]. Vapor d'[[aiga]] e [[precipitacion (meteorologia)|precipitacions]] an tanben un ròtle major dins lo bilanç radiatiu de la [[planeta]] e dins lei mecanismes de transferiment de la [[calor]] entre l'[[eqüator terrèstre|eqüator]] e lei [[pòl]]s. En particular, son un element important de la circulacion atmosferica generala e la densitat de nívols es donc pus importanta lòng de la [[zòna de convergéncia intertropicala]] e dei 50{{e}} parallèls que dins lei zònas [[anticiclòn|anticiclonicas]]<ref>'''[[anglés|(en)]]''' Ya. Kirill, Lev S. Kondratyev, Vladimir F. Krapivin Ivlev e A. Varostos Costas, ''Atmospheric aerosol properties: formation, processes and impacts'', Springer,‎ 2006, p. 403.</ref>.