Arabia Saudita : Diferéncia entre lei versions

Contengut suprimit Contengut apondut
Cap resum de modificació
Cap resum de modificació
Linha 44 :
}}
 
L’'''Arabia Saudita''' (oficialament lo '''Reiaume d’Arabia Saudita''') es un [[estat]] [[independéncia|independent]] qu'ocupa la màger part de la [[Peninsula Aràbia]]. Es enviroutat per [[KuweitKoweit]], [[Iraq]], [[Jordania]], [[Israèl]] au [[nòrd]], la [[Mar Roja]] a l'[[oèst]], [[Iemèn]] e [[Oman]] au [[sud]] e leis [[Emirats Arabis Units]], [[Qatar]] e lo [[Golf Persic]] a l'[[èst]]. A una superficia d'aperaquí 2,25 milions de [[Quilomètre carrat|quilomètres carrats]] mai son territòri es subretot [[desèrt|desertic]], especialament lo quart sud-èst qu'es una region fòrça [[ariditat|arida]] ([[Rub Al Khali]]). Sa populacion èra de 33 milions d'abitants en [[2017]] amb una proporcion importanta d'estrangiers (mai de 30%) que son necessaris au bòn foncionament de l'economia nacionala, principalament establida sus l'esplecha dei ressorsas [[petròli|petrolieras]] dau país.
 
Lo reiaume es una monarquia absoluda dirigida per la dinastia dei Saud. Originaris dau centre de la [[peninsula]], s'alièt au sègle XVIII amb de conservators religiós per fondar un estat rigorista. Gràcias a aquela politica, atraiguèron de combatents partejants d'idèas similaras. Au sègle XIX, aquò entraïnèt una reaccion de part de l'[[Empèri Otoman]] que mandèt de fòrças per restablir l'òrdre dins la region. Pasmens, l'afebliment dei Turcs permetèt ai Sauditas de se retirar. En [[1902]], [[Abd al Aziz Ibn Saud]] poguèt ansin començar una tiera de guèrras que li permetèron d'unificar pauc a pauc la màger part de la peninsula sota sa direccion. En [[1934]], proclamèt la fondacion dau reiaume d'Arabia Saudita que s'alièt amb leis [[USA|Estats Units d'America]] en [[1945]]. D'efiech, la descubèrta d'importants jaciments d'[[idrocarbur]]s donèt una importància novèla au país dins l'economia mondiala. En parallèl, la dinastia obtèn tanben un prestigi important de son ròtle de protectritz dei luòcs sants de l'[[islam]] ([[Medina]] e [[La Mèca]]), çò que permet a l'Arabia Saudita de se presentar coma una poissança majora d'[[Orient Mejan]].