Tailàndia : Diferéncia entre versions

[[File:Tailàndia - Pèrdas territòrialas dins lo corrent dau periòde coloniau.png|thumb|Pèrdas territòrialas de Siam dins lo corrent dau periòde coloniau.]]
 
Dins lo corrent de la segonda mitat dau sègle XIX, Siam deguèt faciar lei premiereis ambicions dei poissanças [[colonialisme|colonialas]] [[França|francesa]] e [[Reialme Unit|britanica]] que s'interessavan au sud-èst d'[[Asia]]. Dos rèis cultivats e partisans de la dubertura dau país, [[Mongkut]] ([[1851]]-[[1868]]) e son fiu [[Chulalongkorn]] ([[1868]]-[[1910]]), capitèron de limitar lei pèrdas e lei concessions per mantenir l'[[independéncia]] siamesa.
 
[[Mongkut]] èra a l'origina un monge [[bodisme|bodista]] qu'aviá apres l'[[anglés]] ambé de missionaris. Sa politica favorizèt la dubertura dau país e lo mantenement dei tradicions. Durant son rèine, deguèt faciar l'arribada de [[França]] en [[Cochinchina]]. Favorizèron una revòuta de [[Cambòtja]] que se placèt sota [[protectorat]] [[França|francés]]. Siam foguèt obligat de reconóisser aquela situacion en [[1867]] e foguèt protegit deis ambicions francesas fins ais annadas 1880 car [[París]] s'interessèt puslèu a la conquista de [[Vietnam]]. De mai, [[Mongkut]] assaièt d'utilizar lei rivalitats entre [[França|Francés]] e [[Reialme Unit|Britanics]]. Ansin, signèt en [[1855]] un tractat d'amistat ambé [[Londres]]. Aqueu tractat èra « inegau » car donava d'avantatges importants ai [[Reialme Unit|Britanics]] mai permetèt de leis implicar en Siam. Puei, de tractats similars foguèron signats ambé [[França]] e leis [[USA|Estats Units d'America]].
44 527

cambiaments