Tailàndia : Diferéncia entre lei versions

Tailàndia tèn una certana richessa linguïstica amb au mens 62 [[lenga]]s identificadas sus son territòri en [[2011]]. La pus parlada es lo [[Tai (lenga)|tai]], [[lenga mairala]] de 91% de la populacion, qu'es tanben l'unica [[lenga oficiala]] dau reiaume. Es devesit entre plusors dialèctes. Aqueu dau nòrd-èst sembla fòrça au [[lao]] e es sovent considerat coma una varianta d'aquela lenga. Leis autrei lengas frequentas son l'[[anglés]] e lo [[mandarin]] que son utilizadas per l'elèit e per la minoritat chinesa.

Lei lengas minoritàrias dau país fan partida de cinc grops principaus que son lei [[lengas daïcas]] – la familha de lengas dau [[Tai (lenga)|tai]] – lei [[lengas austroasiaticas]], lei [[lengas austronesianas]], lei [[lengas tibetobirmanas]] e lei [[lengas miao-yao]]. Son principalament parladas dins lei regions [[frontiera|frontalieras]], especialament dins leis endrechs [[montanha|montanhós]]. Ges de politica existís per protegir aquelei lengas e mai d'una es menaçada de disparicion coma lo [[mok]] qu'èra unicament parlat per sèt personas en [[1981]].