|
==Toponimia==
Bossac Borg a lo mesme nom que la vila vesina, [[Boçac]]. Èra nommadanomada ''Boçac las Egleisas'' quand Boçac èra ''Boçac lo Chasteu''. Per la vila (òm supausa, sens certituda), las atestacions son ''Bociacum'', sens data (segon Dauzat), ''Buciacum'', vers 1000, ''Bociaco'', en 1095, ''Bossiacus'', vers 1315 (segon los Féniés). Per Boçac Borg, lo vilatge es atestat ''Botzac las Eglesias'', per'mor de sas doas egleisas bessonas. Lo nom vendriá d'un nom latin d'òme ''Bŭccius'' o ''Buttius'' emb lo sufixe ''-acum'' <ref>Albert Dauzat, Charles Rostaing, ''Dictionnaire étymologique des Noms de Lieux en France'', Librairie Guénégaud, reedicion 1984, p. 100</ref>{{,}}<ref>Bénédicte Boyrie-Fénié, Jean-Jacques Fénié, ''Toponymie des Pays Occitans'', edicions Sud-Ouest, 2007, p. 147</ref>, latinizacion dau sufixe gallés ''-aco(n)''. Boçac - un o l'autre - èra donc probablament una anciana granda propietat antica qu'aviá per mestre ''Bŭccius'' o ''Buttius''. En realitat, coma lo nom vau tanben per los dos luòcs, òm sap pas ont èra la ''villa'' d'origina; e coma un chasteu medieval es pus recent qu'una ''villa'', coma es pus logic qu'un chasteu prenga lo nom d'un vilatge vesin (2 km) qu'alencontrari, l'origina dau nom deu se trobar au vilatge emper qu'a la vila eiretiera dau chasteu.
==Istòria==
|
