Catarisme : Diferéncia entre lei versions

 

Los adèptes d'aqueste movement se nomenavan eles meteisses {{cita|bons òmes}}, {{cita|bonas femnas}} o {{cita|bons crestians}}, mas èran apelats {{cita|perfièches}} per l’[[Inquisicion]], que designava atal los "perfièches erètges", es a dire los qu'èran ordenats e fasián la [[predicacion]], per oposicion als simples fidèls erètges. Èran tanben sonats de còps per la populacion {{cita|patarins}} o {{cita|teisseires}}.

 

Fondamentalament crestians, los catars avián una lectura dualista del [[Bíblia|Novèl Testament]], e destriavan doncas doas creacions: la vertadièra, es a dire la de las causas que son realament, aquela de Dieu, de l'esperit blos; la segonda èra la de las causas qu'an pas d'existéncia vertadièra, que i èra inclús lo monde vesedor, apariat al nonrés. Per eles lo monde fisic èra doncas vodat al patiment, a la violéncia e al mal. Aital, las armas dels cresents èran consideradas presonièras dels seus còsses, dins una mena de "preson de carn" e sol lo [[consolament]], batejament per imposicion de las mans, las podián desliurar. Los catars se definissián coma membres de la Glèisa de Dieu, la sola vertadièra Glèisa qu'opausavan a la falsa Glèisa Apostolica Romana. Organizada e estructurada, la Glèisa catara èra formada per un còs clerical mixte: los bons òmes e bonas femnas qu'avián recebut lo consolament, e per un còs de fisèls o cresents. Al cap de cada avescat, se trapava un avesque e sos dos coajudors: lo filh major e lo filh menor.

[[Categoria:Pichon movement religiós]]

[[Categoria:Inquisicion]]

[[Categoria:Espiritualitat]]