Sahara : Diferéncia entre lei versions
Contengut suprimit Contengut apondut
Linha 77 :
L'[[Edat Mejana]] foguèt marcada per l'[[islam]]izacion e l'arabizacion de Sahara e per l'apogèu dau [[comèrci transsaharian]]. Lo premier ponch foguèt la consequéncia dau declin de l'[[Empèri Roman]]. D'efiech, minat per de tensions [[religion|religiosas]] grèvas entre lei clergats de [[Constantinòble]] e d'[[Alexàndria]], l'[[Empèri Bizantin]] mau capitèt de resistir a l'expansionisme arabe. La [[Sètge de Cartage (698)|pèrda definitiva de Cartage]], en [[-698|698]], marquèt la fin de la preséncia romana en [[Africa]]. Quatre ans pus tard, leis Arabes rompèron tanben la resisténcia berbèra.
Progressiva, l'arabizacion de l'espaci saharian avancèt amb l'adopcion de la cultura araba per de populacions indigènas e per l'arribada d'ondas de populacions novèlas en provenància d'[[Orient Mejan]]. L'[[islam]] foguèt pas impausat avans la fin dau periòde medievau. Pasmens, son influéncia aumentèt rapidament en causa dei reglas comercialas [[islam|musulmanas]] que limitan la libertat economica dei marchands non musulmans. Seguissent leis itineraris marchands, la [[religion]] novèla ganhèt ansin Sahara e [[Sahèl]]. [[Nubia]], dins la vau mejana de [[Nil]], foguèt l'unic centre de resisténcia a aquela penetracion<ref>D'efiech, en [[652]], lei Nubians arrestèron una temptativa d'invasion araba, causant de pèrdas importantas a seis adversaris. Obtenguèron ansin la signatura d'un tractat de [[patz]], restaurant lei cambis comerciaus entre [[Nubia]] e [[Egipte]], que demorèt en plaça fins a la segonda mitat dau sègle XIII.</ref> e lo [[cristianisme]] [[Ortodoxia|ortodòx]] s'i mantenguèt fins au sègle XVI.
=== Lo declin dei cambis transsaharians ===
| |||