Pierre-Joseph Proudhon : Diferéncia entre lei versions

'''Pierre-Joseph Proudhon''' (nascut lo [[15 de genièr]] de [[1809]] a [[Besançon]] dins lo [[departament francés]] de [[Dobs (departament)|Dobs]], mòrt lo [[19 de genièr]] de [[1865]] a Passy, [[França]]) es un polemista, publicista, [[economista]] e [[Sociologia|sociològ]] francés. Foguèt lo primièr a se qualificar d'[[Anarquisme|anarquista]]. Li devèm la formula famosa « La [[proprietat]], es lo raubament » que figura dens lo sieu memòri. ''Qu'es aquò la proprietat ? o Recèrca sus lo principi del Drech e del Govèrn'', la sieu òbra majora, publicada en [[1840]].

La publicacion de ''Qu'es aquò la proprietat ?'' atira l’attencion de las autoritats francesas mas tanben de [[Karl Marx]] que comença una correspondéncia amb el. Los dos òmes s’influéncian mutualament ; se tròban a [[París (França)|París]] que Marx i es en exilh. La lor amistat s'acaba quand, en responsa a la ''Filosofia de la misèria'' de Proudhon, Marx escriu ''la Misèria de la filosofia''. Dins l'Association Internacionala dels Trabalhaires (Primièra Internacionala), i aguèt scission entre los anarquistas de Baconin e los de Proudhon. Los mutualistas proudhonencs se pensavan que la proprietat collectiva èra de defugir e que la [[revolucion]] sociala se podiá aténher pacificament.

Proudhon balhèt, dins son ''Sistèma de las contradiccions economicas'' ([[1846]]) una explicacion de la [[societat]] fondada sus l'existéncia de realitats contradictòrias. Aital la proprietat es la pròva de l'inegalitat, mas tanben l'objècte de la [[Libertat (filosofia)|libertat]]. Aital tanben lo maquinisme fa créisser la productivitat mas a l'encòp destrusís l'activitat mestierala e fa patir l'obrièr. Fin finala la quita libertat es indispensabla mas tanben causa d'inegalitat. Aquelas contradiccions son etèrnas e preveson pas l'autodestruccion del [[capitalisme]] coma Marx o anonciava.