Un '''naviri''', (var.una '''nau''') f. o un '''naviu''' es un batèu destinat a la navegacion [[mar]]itima. Generalament format d'una [[còca]], d'un ò plusors [[pònt]]s e d'un superstructura, pòu èsser destinat au transpòrts de passatgiers ò de marchandisas, ais activitats militaras, a la pesca ò a de missions de servicis au profiech d'autrei naviries. Conoguèron mai d'una evolucion en foncion dei progrès tecnologias ambé, per exemple, l'introduccion d'estructuras de [[metal|metau]] e l'adopcion de la propulsion velica puei motorizada. L'aumentacion de l'especializacion es tanben una evolucion constanta ambé l'aparicion progressiva de naviris destinats au trasnpòrt d'un tipe unic de cargament coma lei [[gazier]]s. En matèria militara, la multiplicacion dei menaças (sosmarins, avions, autrei naviris...) entraïnèt tanben la construccion d'unitats principalament destinadas a la neutralizacion d'una menaça donada. Lo desvolopament dei transpòrts terrèstres e aerians demeniguèt pas l'importància dei naviris e, en [[2016]], {{formatnum:46000}} naviris marchands èran recensats dins lo mond.
