Marie Curie : Diferéncia entre versions

m
[[File:Curie - Œuvres de Pierre Curie, 1908 - Pl. II - Vue 2.png|thumb|right|[[Fotografia]] de l'obrador utilizat per lei Curie per sei recèrcas a partir de [[1898]].]]
 
Dins lo quadre de sa tèsi, Marie Curie chausiguèt d'estudiar lei ''« rais de Becquerel »'' descubèrts en [[1896]] per [[Henri Becquerel]] ([[1852]]-[[1908]]). Per començar, s'interessèt ai ''« rais uranics »'' emés per de sòus d'[[urani]]. Assaièt de quantificar lei capacitats ionizantas d'aquelei raionaments dins un obrador rudimentari més a sa disposicion per lo director de l'[[Escòla superiora de fisica e de quimia industrialas de la vila de París|Escòla municipala de fisica e de quimia industrialas]]. Amb l'ajuda de son marit e de son bèufraire, [[Jacques Curie]] ([[1855]]-[[1941]])<ref>[[Jacques Curie]] èra [[fisica|fisician]]. Amb son fraire [[Pierre Curie|Pierre]], foguèt a l'origina de la premiera demonstracion de l'[[efiech piezoelectric]] en [[1880]].</ref>, concebèt un [[electromètre]] [[piezoelectricitat|piezoelectric]] que li permetèt de mesurar lo fenomèn d'un biais precís.
 
Sei resultats permetèron de demostrar que la [[pechblenda]] e la [[calcolita]] avián una activitat respectivament quatre e dos còps pus importanta d'aquela de l'[[urani]]. Puei, mostrèt qu'aquela activitat èra pas dependenta de l'[[estat de la matèria|estat]] dau materiau mai de sa concentracion d'[[urani]]. Ne'n deduguèt que lei rais de Becquerel èran una proprietat de l'[[atòm]] e non una proprietat [[quimia|quimica]]. Aquelei descubèrtas foguèron presentadas tre lo 12 d'abriu de [[1898]]<ref>A la fin dau sègle XIX e au començament dau sègle XX, lo ritme rapid dei descubèrtas [[sciéncia|scientificas]] necessitava una publicacion rapida de sei resultats. Per exemple, [[Henri Becquerel]] presentèt la descubèrta dei rais uranics l'endeman de sa descubèrta. L'objectiu per lei sabents èra d'aquistar la paternitat de sei descubèrtas e d'obtenir de finançaments.</ref> per [[Gabriel Lippmann]] a l'[[Académia dei Sciéncias (França)|Académia dei Sciéncias]]. En parallèl, Marie Curie ganhèt lo [[prèmi Gegner]] per son trabalh sus lei proprietats magneticas deis [[acièr|aciers]]<ref>Fondat en [[1871]] après un legat de Jean-Louis Gegner, aqueu prèmi èra destinat a sostenir financiarament un sabent paure aguent realizat de « trabalhs seriós ». Marie Curie o ganhèt tornarmai en [[1900]] e en [[1902]]. Lo montant dau prèmi èra de {{formatnum:4000}} [[Franc francés|francs]], çò que representava una sòma un pauc superiora au salari anuau d'un professor de licèu ({{formatnum:3000}} francs).</ref>.
45 905

cambiaments