Marie Curie : Diferéncia entre versions

138 octets aponduts ,  fa 9 mesos
{{veire|Institut Curie}}
 
Après la guèrra, Marie Curie tornèt prendre sa posicion a la tèsta de l'[[Institut dau Radi]]. Durant quauqueis annadas, l'organizacion deguèt faciar de dificultats financieras grèvas. De mai, l'Institut aviá perdut la màger part de sei resèrvas de [[radi]] qu'èran estadas utilizadas per la fabricacion de pòstes radiologics. Marie Curie deguèt donc realizar un viatge ais [[Estats Units d'America|Estats Units]] per trobar lei sòus necessaris a la crompa d'un grama de [[radi]]. I foguèt fòrtament sostenguda per la jornalista [[Marie Mattingly Meloney]] ([[1878]]-[[1943]]) qu'organizèt una campanha de collècta de fons auprès dei femnas estatsunidencas<ref>'''[[anglés|(en)]]''' Ann M. Lewicki, ''"Marie Sklodowska Curie in America, 1921"'', ''Radiology'', '''223''' (2) : 299–303.</ref>. En parallèl, Marie Curie participèt tanben a la defensa de la causa polonesa en [[França]].
 
En mai de [[1921]], poguèt crompar un grama de [[radi]] a una usina de [[Pittsburgh]] qu'aviá industrializat sei procès d'extraccion. Aquò permetèt au doctor [[Claudius Regaud]] ([[1870]]-[[1940]]), cap de la seccion medicala de l'Institut, de desvolopar divèrsei tractaments còntra lo [[cancèr]]. Una fondacion Curie foguèt creada per finançar leis activitats de l'Institut e Marie Curie realizèt plusors viatges durant leis annadas 1920 per trobar de fons. En [[1970]], aquela fondacion e l'Institut dau Radi fusionèron per formar l'[[Institut Curie]] qu'es un centre major de la recèrca mondiala en [[cancerologia]].
38 842

cambiaments