Veneçuèla : Diferéncia entre lei versions
Contengut suprimit Contengut apondut
Lo fichièr Hugo_Chavez.jpg es estat escafat coma o es estat sus Commons per Ronhjones (per c:Commons:Deletion requests/Flickr images by Karel Fuentes) |
|||
Linha 218 :
Après una campanha en favor de la defensa dau pòble, [[Hugo Chávez]] foguèt aisament elegit (60%) e convoquèt una assemblada constituenta per modificar la [[constitucion]]. Aprovada en decembre de [[1999]] (70% d'òc), la novèla [[constitucion]] instaurèt la « Republica Bolivariana de Veneçuèla ». Aquò li alienèt lei [[conservatisme|conservators]] qu'assaièron de lo destituir. Pasmens, [[Hugo Chávez|Chávez]] foguèt tornat elegir en [[2000]], resistiguèt a un [[còp d'estat]] sostengut per leis [[USA|Estats Units]] en [[2002]], a una grèva generala organizada per lo patronat en [[2002]]-[[2003]], ganhèt un [[referendum]] de confirmacion en [[2004]] e divèrseis autreis escrutinhs fins a sa [[mòrt]].
Durant sa presidéncia, capitèt de gardar sa popularitat e menèt una politica progressista en favor dei classas popularas. Despendenta dau cors deis [[idrocarbur]]s e menaçada per una criminalitat galaupanta (Caracas ès una de las pus violentas vilas au mond.), sa politica aguèt pasmens de resultats importants amb una reduccion de la pauretat (de 54% de la populacion en [[2003]] a 26% en [[2008]]), un melhorament de la lucha còntra la malnutricion, una demenicion deis inegalitats, d'augmentacions deis ajudas socialas e un programa d'educacion que permetèt d'eliminar l'illetrisme. Pasmens, en causa de la demenicion dau cors de [[petròli]], de l'absència de reformas economicas e d'un large clientelisme, la fin de sa presidéncia foguèt tocada per de dificultats economicas e una populacion confrontada aus carestiàs alimentàrias. Ansin, après sa [[mòrt]] en març de [[2013]], son successor, [[Nicolás Maduro]], ganhèt just just leis eleccions (50,6%). Deguèt rapidament faciar un agravament de la situacion economica e perdiguèt leis eleccions legislativas de decembre de [[2015]] còntra una coalicion dei partits opausats au chavisme.
En [[2016]], aquela coalicion assaièt de començar una procedura, non prevista per la [[constitucion]], de destitucion dau president. Aquò entraïnèt un blocatge deis institucions e de violéncias entre partisans e adversaris dau chavisme que culminèt en [[2017]] (115 mòrts durant de manifestacions). Per resòuvre lo conflicte, lo govèrn decidèt d'organizar d'eleccions constituentas que foguèron boicotadas per l'oposicion. Ansin, lo 30 de julhet de 2017, lei chavistas tornèron prendre lo poder a l'eissida d'aquel escrutinh dins un contèxte totjorn marcat per d'afrontaments saunós.
Los ans « Maduro » agravan la situacion economica, e milhons de Veneçoalans emigran dins los païses vesins (sustot à Colòmbia e Però) dempuèi 2015.
== Cultura ==
| |||