Khanat bulgar de Vòlga : Diferéncia entre lei versions

Lo '''Khanat bulgar de Vòlga''' èra un [[estat]] [[Edat Mejana|medievau]] qu'existiguèt dau sègle VII a [[1236]]. S'installèron dins la region de confluéncia de [[Vòlga]] e de [[Kama]] dins lo corrent dei migracions [[Empèris nomadas|nomadas]] dau pòble bulgar acomençadas vèrs [[650]]. Au sègle VIII, lei Bulgars èran venguts majoritaris dins la region mai i foguèron probablament sota lo dominacion dei [[Khazar]]s, un autre [[Empèris nomadas|pòble nomada]] d'origina turca. Après l'afondrament de la poissança dei Khazars en [[965]], lo Khanat venguèt independent e aprofichèt sa posicion sus una crosiera comerciala importanta per se renfòrçar. Pasmens, deguèt faciar uneis incursions de pilhatge menadas per lei principats rus. Au sègle XII, aquò entraïnèt lo desplaçament de la [[capitala]] de Bolghar a Bilar. Enfin, au sègle XIII, lei Bulgars de Vòlga jonhèron la coalicion formada per la màger part deis estats de la region per resistir ais [[Empèri Mongòl|invasions mongòlas]]. Dins aquò, maugrat una victòria iniciala a [[Batalha de Kernek|Kernek]] ([[1223]]), lei Mongòls foguèron venceires en [[1229]] e annexèron definitivament lo Khanat en [[1236]].