Joana d'Arc : Diferéncia entre lei versions

A la naissança de Joana d'Arc, lo reiaume de França èra fòrça afeblit per la foliá dau rèi [[Carles VI de França|Carles VI]] e la guèrra civila entre Armanhac e Borgonha. Aquela situacion permetèt ais Anglés d'Enric V d'atacar lo nòrd de França. Lo 25 d'octòbre de [[1415]], sei fòrças destruguèron l'armada reiala francesa a [[Batalha d'Azincourt|Azincourt]]<ref>La [[batalha d'Azincourt]] fa partida dei tres desfachas majoras de [[França]] durant la [[Guèrra de Cent Ans]]. D'efiech, en despiech d'una superioritat numerica marcada (de {{formatnum:12000}} a {{formantumformatnum:36000}} òmes còntra solament {{formatnum:6000}} a {{formatnum:9000}}), lei Francés foguèron chaplats per lei tirs deis arquiers anglés e perdiguèron {{formatnum:6000}} combatents còntra mens d'un milier dins lo camp advèrs.</ref>. Puei, enregistrèron mai d'un succès coma la presa de París e la signatura de la patz de Troyes en [[1420]] que li permetèron de venir l'eiretier oficiau dau rèi Carles VI. Una aliança ambé [[Borgonha]] permetèt de s'aparar còntra tota menaça venguda de l'èst.