Ucraïna : Diferéncia entre versions

Au sègle XIV, lei [[Lituània|Lituanians]] s'interessèron a son torn a la region. Capitèron de prendre lo contraròtle de plusors principats occidentaus e de conquistar Kiev en [[1363]]. Puei, au començament dau sègle XV, agantèron la [[Mar Negra]]. En parallèl, lei [[Polonha|Polonés]] ocupèron lo [[principat de Halicz]] que venguèt per la seguida [[Galícia (Euròpa Orientala)|Galícia]]. Ansin, a la conclusion de l'Union entre [[Polonha]] e [[Lituània]], Ucraïna èra devesida entre una mitat polono-lituaniana, au centre e a l'[[oèst]], e una mitat tatara (populacions turcas que succediguèt ai Mongòls) au [[sud]] e a l'[[èst]]. En [[1438]], lei Tatars s'afranquiguèron de la tutèla [[Empèri Mongòl|mongòla]] e fondèron lo [[Khanat de Crimèa]]. Pasmens, lo sud de [[Crimèa]] demorèt lòngtemps sota influéncia [[Empèri Bizantin|bizantina]] avans de passar sota la contraròtle dei marchands [[Itàlia]], especialament aquelei de [[Republica de Gènoa|Gènoa]].
 
Aquel equilibri durèt fins a la fin dau sègle XV. Foguèt romput au [[sud]] per lei [[Empèri Otoman|Turcs Otomans]] e au [[nòrd]] per lei [[Russia|Rus]]. D'efèct, en [[1475]], lei premiers capitèron de conquistar lei possessions [[Republica de Gènoa|genoesas]] e de [[vassal]]izar lo [[Khanat de Crimèa]]. Puei, menèron un lòng combat per establir còntra [[Polonha]]-[[Lituània]] per lo contraròtle dau [[litorau]] nòrd-oèst de la [[Mar Negra]]. S'acabèt victoriosament en [[1526]] ambé la presa de [[Bessaràbia]] e de [[Jedisan]]. De son caire, lei Rus acomencèron una lenta migracion en direccion dau [[sud]]. Son objectiu iniciau èra de protegir [[Moscòu]] còntra lei Tatars qu'avián pilhat la vila en [[1571]]-[[1572]]. Per aquò, bastiguèron de rets de [[fortificacion]]s dins la region de [[KàrkovKharkiv]] e i favorizèron l'implantacion de colons cargats de lei defendre militarament. Aquelei [[marcha (juridiccion)|marchas militaras]] dichas « Ucraïna » en [[rus]] donèron son nom au país.
 
==== L'influéncia polonesa ====
61 775

cambiaments