Tawantinsuyu : Diferéncia entre versions

 
==== Organizacion politica ====
 
L'Empèri Inca èra una [[monarquia]] [[monarquia absoluda|absoluda]] e [[teocracria|teocratica]]. Son sobeiran, que son títol èra « Sapa Inca », n'èra lo cap [[politica|politic]] e [[religion|religiós]]<ref>Tecnicament, lo tèrme « inca » utilizat per designar lo pòble inca es faus. Èra en realitat lo títol de son sobeiran e lo grop etnic dominant de l'Empèri èra format de Quíchoas.</ref>. Lo cap dau [[clergat]], dich « [[Willaq Umu]] », n'èra lo segond personatge. Segon la [[mitologia]] oficiala, lo [[Sapa Inca]] èra l'eiretier dau dieu solar [[Inti]] e èra donc considerat coma lo « fiu dau Soleu ». Aquò li donava lo drech de dirigir son reiaume e de conquistar de territòris novèus. Sa [[capitala]], [[Cusco]], èra considerada coma lo centre de l'[[Univèrs]].
 
Dins lei fachs, l'Empèri Inca èra organizat segon un sistèma [[federalisme|federala]] amb un govèrn centrau dirigit per lo [[Sapa Inca]] e quatre regions, dichas ''[[suyu]]'', que gropavan la totalitat dau territòri franc dau relarg de la [[capitala]]. Lei ''suyu'' èra plaçats sota la direccion d'un ''apu'', tèrme designant un individú eissit de l'[[aristocracia]] auta e sovent de la dinastia inca ela meteissa<ref>Designava tanben lei [[montanha]]s sacradas.</ref>. [[Cusco]] deviá formar un districte distint dirèctament dirigit per lo [[Sapa Inca]] ò per sa [[dinastia]]. Puei, lei ''suyu'' èra devesits en províncias (''wamani'') que son nombre probable èra de 86<ref>En causa de l'abséncia d'[[escritura]], aqueu nombre es pas segur. Foguèt establit a partir d'estimacions basadas sus lei descubèrtas arqueologicas.</ref>.
38 612

cambiaments