Iòssif Stàlin : Diferéncia entre lei versions

'''Iòssif Vissariònovich Jogachvili''', mai conegut per son subrenom '''Iòssif Stàlin''' (en [[georgian]]: იოსებ ბესარიონის ძე ჯუღაშვილი; en [[rus]]: [[Mèdia:ru-Stalin.ogg|Иосиф Виссарионович Джугашвили]], '''Иосиф Сталин'''; [[Gòri]], [[Georgia]], [[3 d'abril]] de [[1868]] - [[Moscòu]], [[Russia]], [[5 de març]] de [[1953]]) es un òme d'[[Estat]] [[URSS|sovietic]] que dirigiguèt l'[[URSS]] de [[1928]] a [[1953]]. Instaurant

Originari de [[Georgia (Caucàs)|Georgia]], jonhèt lei partisans de [[Lenin]] tre [[1901]] e venguèt rapidament una personalitat importanta entre lei bolchevics. A partir de [[1906]]-[[1907]], venguèt un collaborator regular de [[Lenin]] e lo sostenguèt durant leis eveniments dei revolucions de [[1917]] e dins lo corrent de la [[Guèrra Civila Russa]]. Vengut secretari generau dau partit, aquò li permetèt de se presentar coma l'eiretier de [[Lenin]]. Après una lònga lucha intèrna còntra leis autrei companhons de [[Lenin]], prenguèt lo poder en [[1928]].

Instaurèt alora un regime brutau e repressiu que causèt la mòrt de plusors milions de personas. Pasmens, capitèt d'industrializar e de desvolopar economicament son país. De mai, sa resisténcia e sa victòria còntra lo [[nazisme]] e l'[[Alemanha]] d'[[Adolf Hitler]] li donèron un prestigi immens que li permetèt de transformar l'[[URSS]] en una superpoissança capabla de rivalizar ambé leis [[USA|Estats Units d'America]]. Après sa mòrt, la violéncia de sei metòdes e son culte de la personalitat foguèron denonciats per [[Nikita Khrushchov]].